चलचित्र ‘डिग्री माइला’ का निर्माता सहित कलाकारको टोली दमकमा

दमक । गत चैत ३० गते शुक्रबारबाट मुलुकभर प्रदर्शनमा आएको नेपाली चलचित्र ‘डिग्री माइला’ का निर्माता सहित कलाकारको टोली प्रचारप्रसारको क्रममा हिजो बुधबार दमकमा आईपुगेका छन् ।

फिल्मका मुख्य कलाकार दयाहाङ राई, आचल शर्मा, विजय बराल र कार्यकारी निर्माता मणिराम पोखरेलको टिम फिल्म प्रचार प्रसारका लागी दमक आएका हुन् । चलचित्रको प्रचार प्रसार गर्ने उद्देश्यका साथ सिनेमा निर्माण गर्ने टोली दमक आइपुगेको फिल्मका कार्यकारी निर्माता मणिराम पोखरेलले जानकारी दिए । दमकको दमक मलमा अवस्थित दिम्याक्स सिनेमा हलमा सिनेमा हेर्न आएका दर्शक तथा पत्रकारहरुसँग टोलीले सिनेमाको बारेमा प्रतिक्रिया लिएका थिए ।