दमक फुड फेस्टिवलमा आज गायिका रचना रिमालको प्रस्तुति रहने
दमक, २६ चैत । झापाको दमकमा सञ्चालन भईरहेको दशौँ दमक फुट फेस्टिवल-२०८० मा आज चैत २६ गते सोमवारका दिन गायिका रचना रिमालको विशेष प्रस्तुति रहने भएको छ ।
बिहान १०ः०० बजेदेखि सुरू हुने महोत्सवमा गायिका रचना रिमाल आफ्ना चर्चित गीतहरु मार्फत मनोरञ्जन गराउने छन् । गायिका रिमाल सँगै स्थानीय कलाकार र साङ्गीतिक समूहको पनि विशेष प्रस्तुति रहने छ ।
होटल व्यवसायी संघ दमकको आयोजनमा चैत २३ गतेबाट दमक-७, पूरानो पशुहाटमा सुरु भएको दशौँ दमक फुट फेस्टिवल वैशाख ४ गतेसम्म जारी रहनेछ ।
