दमक महोत्सवमा आज सोमबार चर्चित गायिका प्रीति आले आउदैँ

दमक, २९ माघ : झापाको दमकमा सञ्चालन भइरहेको दमक महोत्सव-२०८० मा आज माघ २९ गते सोमबारका दिन चर्चित गायिका प्रीति आलेको विशेष साँगीतिक प्रस्तुति रहने भएको छ ।

बेलुका ७ः०० बजेदेखि प्रस्तुत हुने गायिका प्रीति आलेले आफ्ना चर्चित गीतमार्फत मनोरञ्जन गराउने छिन् । गायिका आलेसँगै रसियन कलाकारहरूको बेजोड नृत्य प्रस्तुति, राजस्थान कलाकारहरूको समेत बेजोड नृत्य प्रस्तुति, जादुगर शो साथै स्थानीय कलाकार र साङ्गीतिक समूहको पनि विशेष प्रस्तुति रहने छ ।

दमक उद्योग वाणिज्य संघको आयोजनमा माघ २८ गतेबाट दमक-७, सयपत्री टोल, रतुवा किनारमा सुरु भएको महोत्सव फागुन १२ गतेसम्म जारी रहनेछ ।