कमलनगर जेसीजको आयोजनामा होली मिलन कार्यक्रम सम्पन्न
कमल, १२ चैत । झापाको कमल गाउँपालिकामा रहेको कमलनगर जेसिजले आज सोमबार होली मिलन कार्यक्रम सम्पन्न गरेको छ ।
फागु पूर्णीमा (होली)को अवसरमा कमलनगर जेसीजको आयोजनामा तथा रोज पेन्टस्को प्रायोजनमा सरङपाडा टोल विकास समिति र सरङपाडा बजार व्यवस्थापन समितीको सहकार्यमा कमल गाउँपालिका-१, निवासी फरक क्षमता भएका मणिराज न्यौपानेको घरमा रङ्ग रोगन गरी र कमल-१ सरङपाडा अबस्थित जेष्ठ नागरिक चौतारामा रङ्ग रोगन गरी होली मिलन कार्यक्रम सम्पन्न गरेको छ ।
कार्यक्रममा नेपाल जेसीज वर्ष २०२४ का राष्ट्रिय कार्यकारिणी उपाध्यक्ष तथा क्षेत्र (क) का लागि निरुपित राष्ट्रिय कार्यकारिणी उपाध्यक्ष जेसी भिम बहादुर कुँवर प्रमुख अतिथिको रुपमा रहनु भएको थियो ।
उक्त कार्यक्रमको संयोजक कमलनगर जेसिज वर्ष २०२४ का उपाध्यक्ष जेसी अशोक कार्की रहनु भएको थियो । कार्यक्रममा पूर्व अध्यक्ष, आजीवन सदस्य, सदस्य साथै सरङपाडा बजारका बिभिन्न व्यक्तिहरुको उपस्थिति रहेको थियो ।
