कमलनगर जेसिज र केर्खा स्पोर्टिङ्ग क्लबद्वारा केर्खामा होली विशेष कार्यक्रम सम्पन्न
कमल, १२ चैत । कमलनगर जेसिज र केर्खा स्पोर्टिङ्ग क्लबले आज केर्खामा होली विशेष कार्यक्रम सम्पन्न गरेको छ।
कमल गाउँपालिका-३ केर्खामा भएको होली विशेष कार्यक्रममा विभिन्न संघसंस्थाका प्रतिनिधि, जेसिजका सदस्य, स्पोर्टिङ क्लबका सदस्य लगायतले होली मनाएका छन्।
कार्यक्रममा प्रमुख अतिथि कमल गाउँपालिकाकी उपाध्यक्ष प्रमिला न्यौपाने तिवारी रहुन भएको थियो ।
कमलनगर जेसिज वर्ष २०२४ का अध्यक्ष देवी प्रसाद दाहालको अध्यक्षतामा सम्पन्न कार्यक्रममा नेपाल जेसिज वर्ष २०२४ का कार्यकारी उपाध्यक्ष भीम कुँवरले पछिल्लो समय होली खेल्दा विभिन्न किसिमका विकृतिहरू भित्रिएकोले त्यस्ता विकृतिहरुलाई पन्छाउँदै सभ्य तरिकाले होली खेल्न सुझाव दिनुभयो।
केर्खा स्पोर्टिङ क्लबका सचिव मौसम लेच्छरबोले सञ्चालन गरेको कार्यक्रममा केर्खा स्पोर्टिङ्ग क्लबका अध्यक्ष मनोज गुरुङले स्वागत मन्तव्य राख्नु भएको थियो।
