प्रेस चौतारीको स्थापना दिवसमा पूर्व अध्यक्षलाई सम्मान गरिने
झापा, २१ मघ । प्रेस चौतारी नेपाल झापाले स्थापना दिवसको अवसरमा पूर्व अध्यक्ष तोयानाथ दाहाल ‘उपेक्षित’ लाई सम्मान गर्ने भएको छ ।
चौतारीको २६ औं स्थापना दिवसको अवसरमा गौरादह नगरपालिका–६ स्थित कोहवराका उपेक्षितलाई सम्मान गर्न लागिएको झापा अध्यक्ष मनकुमार गदालले बताए ।
प्रेस चौतारी झापाले माघ २२ गते बिर्तामोड नगरपालिका–७ स्थित शहीद नेत्र पार्कमा स्थापना दिवसको अवसर पारेर पूर्व अध्यक्ष उपेक्षितलाई सम्मान गरिने भएको छ ।
उपेक्षित प्रेस चौतारी झापाका दोस्रो अध्यक्ष हुन् । संस्थापक अध्यक्ष नेत्र पाठकलाई २५ औं स्थापना दिवसको अवसरमा सम्मान गरिएको थियो । स्थापना दिवसमा चौतारीले पूर्व अध्यक्षहरुलाई सम्मान गर्दै आएको छ ।
बिर्तामोडको नयाँ पर्यटकीय गन्तव्य नेत्र पार्कमा चौतारीले स्थापना दिवसको अवसर पारेर झापाली पत्रकारहरुको निःशुल्क आँखा जाँच समेत गर्ने भएको छ । बिर्तामोड आँखा अस्पतालको प्राविधिक सहयोगमा पत्रकारहरुको आँखा जाँच गरिने भएको छ ।
वनभोजसहित आयोजना गरिएको स्थापना दिवसमा पत्रकारहरुबीच मनोरञ्जनात्क कार्यक्रमहरु समेत राखिएको कार्यक्रम संयोजक प्रदीप परियारले बताए ।
उनका अनुसार प्रेस चौतारीको स्थापना दिवसमा जिल्लाका सबै सञ्चारकर्मीहरुलाई सहभागी भइदिन अनुरोध गरिएको छ ।
