भदौरे पुर्णिमा मेला तथा ५ औँ छथर गाउँपालिका अध्यक्ष कप २०८१ को तायारी तिब्र
छथर – तेह्रथुमको छथर गाउँपालिकामा ऐतिहासिक रुपमा लाग्दै आएको भदौरे पुर्णिमा मेला तथा ५ औँ छथर गाउँपालिका अध्यक्ष कप-२०८१ को आवश्यक तायारी तिब्र पारिएको छ ।
आइतबार छथर गाउँपालिकाको सभाहलमा एक बैठकको आयोजना गरी विषयगत समिति निमार्ण गर्दै कार्यक्रमको तयारी सुरु गरिएको हो ।
यही श्रावण ३० गतेबाट ५ औँ छथर गाउँपालिका अध्यक्ष कप तथा रमाइलो मेला-२०८१ सुरु हुने भएको छ । अध्यक्ष कप अन्तरगत फुटबल, भलिबल र व्याटमिन्टन प्रतियोगीता संचालन हुनेछन् । त्यस्तै रमाईलो मेलाको साथमा विभिन्न सांस्कृतिक कार्यक्रम तथा धामीझाक्री नाच समेत हुने छथर गाउँपालिकाका प्रवक्ता राजन नेपालीले बताउनुभयो ।
बैठकले फुटबल व्यवस्थापन समिति, भलिबल व्यवस्थापन समिति, व्याटमिन्टन व्यवास्थापन समिति र प्रचारप्रसार, निर्माणको कार्य सम्पन्न गर्दै तयारीलाई तिब्र पारेको छ ।
