कमलमा बाल अधिकार तथा घरेलु हिंसा न्यूनीकरण सम्बन्धि अभिमुखीकरण कार्यक्रम सम्पन्न

कमल । झापाको कमल गाउँपालिकामा बाल अधिकार तथा घरेलु हिंसा न्यूनीकरण सम्बन्धि एक दिने अभिमुखीकरण कार्यक्रम शुक्रबार सम्पन्न भएको छ ।

कमल-१, स्थित सोलमारीमा अवस्थित श्री कालिका आधारभूत विद्यालयको सभाहलमा उक्त कार्यक्रम भएको हो । कार्यक्रमको अध्यक्षता विद्यालय व्यवस्थापन समितिका अध्यक्ष राम कृष्ण भट्टराई रहनु भएको थियो भने प्रमुख अतिथिमा कमल गाउँपालिका वडा नं. १ का वडाध्यक्ष केदार कटुवाल रहनु भएको थियो । कार्यक्रमको प्रमुख प्रशिक्षकमा नेपाल जेसीका M-TOT नारायण बस्नेत र सहप्रशिक्षकमा डिउ टिभिका प्रबन्ध निर्देशक कमल कटुवालले प्रशिक्षण गर्नु भएको कमल-१ का वडा सचिव प्रभा दहालले जानकारी दिनुभयो ।

कार्यक्रममा विद्यालयका विद्यार्थी तथा अभिभावकहरू गरि करिब १०० जनाको सहभागिता रहेको थियो ।