ज्योति माविको शिक्षक अभिभावक संघको अध्यक्षमा गौतम चयन
कमल । झापाको कमल गाउँपालिकामा रहेको श्री ज्योति माध्यमिक विद्यालयको शिक्षक अभिभावक संघको अध्यक्षमा इन्दिरा गौतम चयन हुनु भएको छ ।
कमल-२, भुत्लुङ स्थित विद्यालयको सभाहलमा आज (सोमबार) सम्पन्न भएको अभिभावक भेलाबाट शिक्षक अभिभावक संघको अध्यक्षमा इन्दिरा गौतम चयन हुनु भएको हो ।
त्यस्तै सदस्यहरुमा तेज बहादुर खड्का, धर्म प्रसाद पराजुली, राम बहादुर दर्जी, शुसिला श्रेष्ठ, मेनुका ढंगाल चयन हुनु भएको छ ।
त्यसैगरी शिक्षक प्रतिनिधिकामा अर्जुन घिमिरे, विद्यालय व्यवस्थापन समिति सदस्यमा तिलक खड्का र प्रधानाध्यापक नगेन्द्र बस्नेत चयन हुनु भएको छ ।
उक्त कार्यक्रमको अध्यक्षता विद्यालय व्यवस्थापन समितिका अध्यक्ष तिलक खड्काले गर्नु भएको थियो भने प्रमुख अतिथिमा कमल गाउँपालिकाकी उपाध्यक्ष प्रमिला तिवारी, विशिष्ट अतिथिमा कमल गाउँपालिका शिक्षा, युवा तथा खेलकुद शाखाका शाखा अधिकृत सूर्य प्रसाद न्यौपाने लगायत वडा सदस्य, अभिभावक लगायतको उपस्थिति रहेको थियो ।
कार्यक्रमको सञ्चालन विद्यालयका सहायक प्रधानाध्यापक नारायण बस्नेतले गर्नुभएको थियो ।
