कमलनगर जेसीजद्वारा विश्व वातावरण दिवसको अवसरमा वृक्षारोपण कार्यक्रम सम्पन्न

कमल । झापाको कमल गाउँपालिकामा रहेको कमलनगर जेसीजद्वारा विश्व वातावरण दिवसको अवसरमा वृक्षारोपण कार्यक्रम सम्पन्न गरेको छ ।

“हाम्रो भूमी, हाम्रो भविष्य” भन्ने मुल नाराका साथ हरेक वर्ष जुन ५ मा मनाइने विश्व वातावरण दिवसको अवसरमा कमलनगर जेसीजले कमल गाउँपालिकाका वडा नं. २, ३ र ४ वडा कार्यालय परिसरमा वृक्षारोपण गरेको कमलनगर जेसिसका महासचिव रोशन अधिकारीले जानकारी दिनुभयो ।

उक्त कार्यक्रममा २ नं. वडाका वडाध्यक्ष अशोक सुब्बा, ३ नं. वडाका वडाध्यक्ष अग्नि प्रसाद कोइराला, ४ नं. वडाका वडाध्यक्ष चन्द्र प्रसाद भट्टराई, वडा सदस्यहरु, वडाका सचिवहरु, कर्मचारीहरु र कमलनगर जेसीजका पूर्व अध्यक्ष जेसीआइ सिनेटर छत्रपती खनाल (गोपाल), वर्ष २०२२ का कार्यकारिणी उपाध्यक्ष जेसी महेस भण्डारी , कमलनगर जेसीज वर्ष २०२४ का बोर्डका पदाधिकारीहरू लगायतको उपस्थिति रहेको थियो ।