कमलमा दोस्रो उपाध्यक्ष कप अन्तपालिका पुरुष भलिबल प्रतियोगिता सुरु
दमक, १० जेष्ठ । झापाको कमल गाउँपालिकामा आज (बिहिबार) देखि खुला दोस्रो उपाध्यक्ष कप अन्तपालिका पुरुष भलिबल प्रतियोगिता २०८१ सुरु भएको छ ।
कमल गाउँपालिका खेलकुद बिकास समितिको आयोजनामा भएको दोस्रो अन्तर पालिकास्तरिय उपाध्यक्ष पुरुष भलिबल प्रतियोगिता जेष्ठ १० गतेदेखि जेष्ठ १२ गतेसम्म हुनेछ ।
उक्त प्रतियोगिता कमल-५, मंगलवारेस्थित सगुन युवा क्लवको खेलमैदानमा हुनेछ ।
आज बिहान ११ वजेदेखि सुरु हुने यस प्रतियोगिताको पहिलो दिनको दुई खेलमा कन्काई र हल्दिवारी तथा अर्को खेल बाह्दशी र बेलबारी बीच प्रतिष्पर्धा हुने छ ।
प्रतियोगिताका विजेताले नगद १ लाख १ हजार, ट्रफ्री तथा प्रमाणपत्र प्राप्त गर्ने छन् भने उपविजेता हुने टिमले नगद ५१ हजारसहित ट्रफ्री तथा प्रमाणपत्र पाउने छन् । यसैगरि, प्रतियोगितामा बिद्यागत पुरस्कार स्वरुप नगद समेत प्रदान गरिने छ । प्रतियोगितामा १० वटा टिमको सहभागिता रहेको छ ।
