सोनी भण्डारीको मनै भरिन्छ सार्वजनिक

युएई- युएईको नेपाली समुदायमा मनकारी व्याक्तित्व तथा सफल सामाजिक अभियन्ताका रूपमा परिचित ताप्लेजुङ सेवा समाज युएईकी पुर्व अध्यक्ष सोनी भण्डारी अब नयाँ पहिचानका साथमा देखापरेकी छिन् ।
करिब ५ लाख नेपालीहरुको रोजगारीको सहज तथा लोकप्रिय गन्तब्य युएईलाई एक दशक अगाडिदेखि आफ्नो कर्मथलो बनाएर विभिन्न अभियानमा सरिक भएकी भण्डारीले एउटा मर्मस्पर्शी गीत सार्वजनिक गरेकी हुन् ।
मनै भरिन्छ बोलको लोकलयमा आधारित गीतमा स्वर दिएर सोनीले आफ्नो सङगीतमोहलाई प्रकट गरेको बताएकी छन् । साहित्यिक तथा सामाजिक संस्थामा आवद्ध भएर काम गरिरहेकी भण्डारीले आफ्नी आमाको माया तथा सम्मानमा यो पहिलो गीत सार्वजनिक गरेकी बताएकी छन् ।

ताप्लेजुङ समाज युएईको पुर्व अध्यक्ष भएर युएईमा रहेका ताप्लेजुङबासीलाई एकताको सुत्रमा समाजसेवामा खटिएकी भण्डारी नेपाल रक्तदाता संघ युएईमा पनि आवद्ध छिन् ।
भण्डारीले आफ्नी स्वर्गीय माताको सम्झना र सम्मानका लागि यो गीत आफैंले शव्द रचना गरेकोले यो गीत आफ्नोलागि जीवन्त रहेको दाबी गरेकी छन् ।
कृष्ण शताब्दीको सङगीत रहेको यो गीत संजिवनी डिजिटल प्रालिले बजारमा ल्याएको हो ! गीतकाे भिडियोमा भिम खड्का र अनुजा सिहले अभिनय गरेका छन् ।