दमक महोत्सवमा आज चर्चित गायिका एलिना चौहानको प्रस्तुति रहने

दमक, ११ फागुन : झापाको दमकमा सञ्चालन भईरहेको दमक महोत्सव-२०८० मा आज फागुन ११ गते शुक्रवारका दिन चर्चित गायिका एलिना चौहानको विशेष प्रस्तुति रहने भएको छ ।

दिउँसो १२:०० बजेदेखि सुरू हुने महोत्सवमा गायिका एलिना चौहानले आफ्ना चर्चित गीत कट्टा हान्दिन्छु, धोकेबाज हौ तिमी, यो भाग्यमा खोट, रुवाउने हजार, फेरी भेट नहोला जस्ता गीतहरु मार्फत मनोरञ्जन गराउने छिन् । गायिका चौहानसँगै स्थानीय कलाकार र साङ्गीतिक समूहको पनि विशेष प्रस्तुति रहने छ ।

दमक उद्योग वाणिज्य संघको आयोजनमा माघ २८ गतेबाट दमक-७, सयपत्री टोल, रतुवा किनारमा सुरु भएको दमक महोत्सव फागुन १२ गतेसम्म जारी रहनेछ ।