दमक महोत्सवमा आज सबिन राई र अस्मिता अधिकारी आउदैँ

दमक, १० फागुन : झापाको दमकमा सञ्चालन भई रहेको दमक महोत्सव-२०८० मा आज फागुन १० गते बिहिवारका दिन चर्चित गायक सबिन राई र चर्चित गायिका अस्मिता अधिकारीको विशेष प्रस्तुति रहने भएको छ ।

दिउँसो १२:०० बजेदेखि सुरू हुने महोत्सवमा गायक सविन राई तथा गायिका अस्मिता अधिकारीले आफ्ना चर्चित गीतमार्फत मनोरञ्जन गराउने छन् । गायक सविन तथा अस्मितासँगै स्थानीय ब्यान्डको प्रस्तुति सँगै रसियन कलाकारहरूको बेजोड नृत्य प्रस्तुति, राजस्थान कलाकारहरूको समेत बेजोड राजस्थानी मड्का नृत्य प्रस्तुति र भारतकै प्रख्यात् जादुगर कुमार जादुगरको जादुगर शो साथै स्थानीय कलाकार र साङ्गीतिक समूहको पनि विशेष प्रस्तुति रहने छ ।

दमक उद्योग वाणिज्य संघको आयोजनमा माघ २८ गतेबाट दमक-७, सयपत्री टोल, रतुवा किनारमा सुरु भएको दमक महोत्सव फागुन १२ गतेसम्म जारी रहनेछ ।